Òpùblikòwóné w: Kùltura,Nowinë — Tadżi: Kaszëbi, Pùck — Mark Kwidzińsczi @ 8:09 pp 23 czer. 2010
Pùcczani jakno ë Kaszëbskò-Pòmòrsczé Zrzeszenié rôczą 26 ë 27 czerwińca 2010 rokù do bëtnoscë na XII Òglowòswiatowim Zjôzdze kaszëbów w Pùckù.
Rozkłôd jazdë banë Transcassubia
Òpùblikòwóné w: Kùltura,Nowinë — Tadżi: Gduńsk, Ida Czajiô, Medalia Stolema, Pomorania, Pòmòranijô, Róman Drzéżdżón — Mark Kwidzińsczi @ 2:34 pp 23 mô. 2009
Medalia Stolema (zdrój: http://www.pomorania.pl)
28 maja ò gòdz. 18:00, w Stôrogardowim Rôtuszu we Gduńskù, przë Kòrzenny 33/35, òstaną nadóné wëprzednienia Medalia Stolema, chtërné latosy dobëlë: Ida Czajinô ë Róman Drzéżdżón.
Medalia Stolema to wëprzednienié jaczé przëznôwô sztudansczi klub Pomorania òd 1967 rokù ë dobëwają jã lëdze czë téż òrganizacëje, chtëné na òsoblëwi órt przëkłôdają sã do rozwiju ë pòpùlarizacëji kùlturë Pòmòrzczi, w tim Kaszëb.
Szkólnô Ida Czajinô je kaszëbską pòétką, jakô debiutowa w 90-tich latach w czãdnikù Tatczëzna.
Róman Drzéżdżón je kaszëbsczim pùblicystą, ùsôdzcą felietonów ë pòézëje, jaczi robi w Mùzeùm Pùcczi Zemi.
Òpùblikòwóné w: Kùltura,Nowinë — Tadżi: kaszëbsczi jãzëk, Pùck — Mark Kwidzińsczi @ 11:15 dp 13 gòd. 2008
W latosym kònkùrsé miona Jana Drzéżdżóna “Bë nie zabëc mòwë starków“, szło ùzdrzëc ë ùczëc 40 ùczniół ze 14 szkòłów pùcczégò krézu.
Nôddgrodë dobëlë
I kategòrëjô (klasë I-III spòdlecznëch szkòłów)
Òpùblikòwóné w: Nowinë — Tadżi: kaszëbsczi jãzëk, Pùck — Mark Kwidzińsczi @ 7:07 pp 6 ru. 2008
Òglowi Zarząd Kaszëbskò-Pòmòrsczégò Zrzeszeniô, Mùzeùm Pùcczi Zemi m. F. Cenôwë, Pòwiatowé Starostwò w Pùckù, Spòdlecznô Szkòła w Pilëcach ë Part Kaszëbskò-Pòmòrsczégò Zrzeszeniô w Pilëcach rôczą dzecë ë młodzëznã z pùcczégò krézu do XVII kònkùrsu kaszëbsczi gôdczi miona Jana Drzéżdżóna
Bë nie zabëc mòwë starków
Kònkùrs bãdze miôł swój plac 5 gòdnika (piątk) w Spòdleczny Szkòle w Pilëcach.
Òpùblikòwóné w: Nowinë — Tadżi: kaszëbsczi jãzëk, Kòscérzena — Mark Kwidzińsczi @ 7:04 pp 4 ru. 2008
VII kaszëbsczé diktando
Zaczekawieni bëtnoscą na nôslédnym Kaszëbsczim diktandze (Piszã pò kaszëbskù – królewiónka w pałacu) proszony są ò wësłanié do 4 lëstopadnika na adresã Przédnegò Zôrzãdu Kaszëbskò-Pòmòrsczégò Zrzeszeniô, abò elektroniczną stegną, pismionnëch zgłoszeniów.
Diktando bãdze miało swój plac w sobòtã 8 lëstopadnika 2008 rokò w Krézowim Zbiérkù Szkòłów Nr 2 w Kòscérzenie, przë Wëbicczégò 1.
Dokładnô wëdowiédzô w pòlscizm jãzëkù, w grëpie ze zgłoszemniowim fòrmulôrã nachôdô sã na starnach KPZ:
Òpùblikòwóné w: Kùltura,Nowinë — Tadżi: Aleksander Majkòwsczi — Mark Kwidzińsczi @ 7:01 pp 22 séw. 2008
Life and adventures of Remus
Kaszëbsczi Institut ze Gduńska wëdôł anielskòjãzëkòwé dolmaczenié “Żëcô ë przigòdów Remùsa” Aleksandra Majkòwsczegò.
Dolmôczkóma bëłë dwie białczi z Minneapolis, Minnesota w Nordowi Americe: Blanche Krbechek (z kaszëbczi stowôrë: Kashubian Association of North America) ë Kasia Gawlik-Luiken.
Je to ju czwiôtré dolmaczenié ksążczi A. Majkòwsczegò, jakô w kaszëbczim lëteracczim jãzëkù ùkôza sã w 1938 rokù. Pierszim bëło Lecha Bądkowsczégò na pòlsczi jãzëk, pò tim przëszło na francësczi (La vie et les aventures de Remus, 1984 ) ë miemiecczi (Das abenteuerliche leben des Remus. Ein kaschubischer Spiegel – dol. Ewa Brenner, 1988).
Òpùblikòwóné w: Bitë ë bajtë,Nowinë — Tadżi: kaszubia.com — Mark Kwidzińsczi @ 5:30 pp 20 séw. 2008
en.kaszubia.com
Jesma rad ë bùszny z tegò, że mòżemë Wama przedstawic anielskòjãzëkòwą wersëjã starnów kaszëbijë: en.kaszubia.com. Pòwsta òna dzãka robòce Jureka Hinza ë wespółrobòce z nim. Jurk przedolmaczëł mòc artiklów na anielsczi ë czérëje tim jãzëkòwim dzélã.
Mómë nôdzejã na nen ôrt dofùlowac wëdowiédzã ò Kaszëbach ë Kaszëbskô westrzód czëtińców co rozmieją anielsczi jãzëk.
(wicy…)
Òpùblikòwóné w: Bitë ë bajtë,Nowinë — Tadżi: Gduńsk, kaszëbsczi jãzëk — Mark Kwidzińsczi @ 5:41 pp 26 lëp. 2008
Starnë Gduńska w kaszëbsczi wersëji - przédnô starna
21 lëpińca szło przeczëtac na starnach Kaszëbskò-Pòmòrsczégò Zrzeszeniô, że ju mòże òbôczëc starnë gdansk.pl w kaszëbskòjãzëkòwi wersëji.
Starnë òstałë ùsôdzoné przë wespółrobòce Ùrzãdu Garda Gduńska ë ZK-P (kòòrdinatorã bëł tuwò Jack Fópka), a dolmôczóma starnów bëlë: Róman Drzéżdżón Tomôsz Fópka, Zbigniew Jankòwsczi – jaczi zrobilë to za darmôka, co mëszlã, że je wôrt pòdsztrëchnąc, jakno ë to, że je to pierszô samòrządowô internetowô starna w kaszëbsczim jãzëkù.
Zamkłoscë są dolmaczënkama pòlsczi wersëji, a sóm dolmaczënk je (pòdle mie) tak przërëchtowóny, że wnet kòżdi (téż pòlskòjãzëkòwi czëtińc) mòże gò zrozmiec – jak dlô mie to kąsk felëje kaszëbsczich archaizmów, jaczé to baro zbògôcają kaszëbsczi jãzëk. Mòże przë ti lekturze dozdrzec téż, że je òna ùsôdzonô przez lëdzi z różnëch nórceków Kaszëb (zdrzë n.p.: òdemkłi ë òtemkłi) – co mie prawie nie przeszkôdzô, a nawetka zbògôcô starnë.
(wicy…)
Òpùblikòwóné w: Nowinë — Tadżi: Mark Wałdoch — Mark Kwidzińsczi @ 5:14 pp 19 stë. 2008
Ùniższi teskt òstôł przedolaczony z pòlsczegò na kaszëbsczi , za e-mialã jaczi do mie je doszłi
Ùsôdzca tich starnów (z lewi starnë) ë Mark Wałdoch (w kaszëbsczich ruchnach) przë rozdaniu nôdgrodë
W naszi zrzeszony kaszëbsczi spòlëznie nicht ni mô bëc sóm, òsoblëwié w nôcãższich chwilach. Dlôte part Kaszëbskò-Pòmòrsczégò Zrzeszéniô w Kòlbùdach dôł zôczątk zbiéraniô dëtków na leczenié Mareka Wałdocha – zaklôdôża tegò partu ë rëchlészégò przédnika, człowieka całim sercã òddónegò kaszëbiznie.
Mark Wałdoch ju òd lat biôtkùje sã z cãżką chòrobą wątrobë. Jedińczim retënkã dlô niegò je przesczép tegò òrganu. Przeprowôdzenié óperacëji ë jegò dôlszô rekònwalescencëjô wëmôgô równak wiele dëtków. Wiemë, że to ni felëjë lëdzi co gò znają ë co gò wësok rechùja ë co bë chcelë gò wspòmóc. Z tą mëszlã ùsôdzoné òstało kònto, z jaczégò dëtczi bãdą czerowóné na nen wësoczi cél.
(wicy…)
Òpùblikòwóné w: Nowinë — Tadżi: Gòdë — Mark Kwidzińsczi @ 5:03 pp 23 gòd. 2007
Në ë znôwù rok nama przeszed
- gwës Wama téż za chùtkò sã to téż wszëtkò krãcy.
Z leżnoscë Gòdów ë Nowégò Rokù żëczã Wama wiele redoscë ë szczescô.
Rôczã téż w tim czasu do czëtnictwa na tich starnach wëjimków ze Swiãtégò Pismiona ò narodzéniém Jezësa ë Gòdowich spiéwów.
