Kaszëbskô Wëdowiédnô Starna

Medalia Stolema (zdrój: http://www.pomorania.pl)

28 maja ò gòdz. 18:00, w Stôrogardowim Rôtuszu we Gduńskù, przë Kòrzenny 33/35, òstaną nadóné wëprzednienia Medalia Stolema, chtërné latosy dobëlë: Ida Czajinô ë Róman Drzéżdżón.
Medalia Stolema to wëprzednienié jaczé przëznôwô sztudansczi klub Pomorania òd 1967 rokù ë dobowają jã lëdze czë téż òrganizacëje, chtëné na òsoblëwi órt przëkłôdają sã do rozwiju ë pòpùlarizacëji kùlturë Pòmòrzczi, w tim Kaszëb.

Szkólnô Ida Czajinô je kaszëbską pòétką, jakô debiutowa  w 90-tich latach w czãdnikù Tatczëzna.

Róman Drzéżdżón je kaszëbsczim pùblicystą, ùsôdzcą felietonów ë pòézëje, jaczi robi w Mùzeùm Pùcczi Zemi.

W całim kraju biją zwònë
Czëc je wszãdze: bùten, bëne.
Pòjta lëdze! – w noc wòłają
Do stajenczi zaprôszają
(wicy…)

Ùrodzył sã 10. lëpińca 1972 rokù w Starzënie. Mieszkô ë robi (w Mùzeum Pùcczi Zemi) w Pùckù. Pòéta ë prozaika, w 1999 rokù dobił nôdgrodã miona I. Trojanowsczi w pòeticczim kònkùrse ë II plac w prozatorsczim kònkùrse miona J. Drzéżdżóna w Wejrowie. Debùtowôł czilema wiérztama w “Pomeranii”. Òd 1999 r. do 2002 r. wespółrobił z “Gazetą Nadmorską” dze pùblikòwôł wiérzte, artikle, òpòwiôdaniô, felietónë, wëwiadë jakno ë prowadzëł kaszëbską starnã pt. „Kaszëbskô Skra” (2001-2002). Òkróm tegò pùblikòwôł w “Pomoranii”, “Dzień Dobry” ë “Òdrodzé”.
Je wespółzałożëcéla Zéńdzenié Młodëch Ùtwórców Kaszëbsczëch “Zymk”.
Pierszi zbiérk wiérztów, “Czile słów…”, wëdôł w rokù 2004 w wëdowiznie Region z Gdini.