Kaszëbskô Wëdowiédnô Starna

Gduńsk 25 lëpińca – 1 zélnika 2010

Latosy Festiwal Zwãczi Nordë we Gduńskù,  mô przédny cësk na Norweskô – zamëkô òn równak w swòjim programie téż kaszëbsczé akcentë.

Westrzód gwiôzd wôrt je na gwës wëmienic Agnes Buen Garnås – wòkalistkã norwesczi fòlkòwi mùzyczi, znónô mòże nôbarżi z platczi z 1989 rokù Rosensfole nagróny do grëpë z Janã Garbarkã. Agnes Buen Garnås pòprowôdzy wòkalną warkòniã ë wëstãpi w ùdbie Syngende i et utvida Norden/ Songs of the extended North, chternô bãdze mia swòją permierã we Gduńskù.

Kaszëbsczima festiwalowima elementama Festiwalu bãdą m.jin. 25 lëpińca ò 19:00 wëstãpë karna Bùbliczczi, jakno ë 27 lëpińca prezentacëjô filmù R. Bera Kaszëbë.

Akùratną wëdowiédzã ò wszëtczich jimprézach  dobëjeta (pò pòlskù a anielskù) na domôcych starnach Festiwalu: dzwiekipolnocy.pl

Mùzeùm Kaszëbskò-Pòmòrsczi Runitwë ë Mùzyczi w Wejrowie rôczi na kòncert Mùzyczny Akademiji we Gduńskù, chtëren bãdze  30 czerwińca 2010 r. ò gòdz. 19.00 w sedzbie Mùzeùm przë ul. Zamkòwi 2a (Pałac Przebendowsczich/Keyserlingków).

Wëstãpią sztudentczi Mùzyczny Akademiji we Gduńsku.

Dzél I
Anna Rocławska – fòrtepian

W programie: Bach, Chopin, Prokofiew.

(wicy…)

Państwòwô Mùzycznô Szkòła I Stopnia miona Fryderyka Chopina w Wejrowie jakno ë Mùzeùm Kaszëbskò-Pòmòrsczi Runitwë ë Mùzyczi w Wejrowie rôczą brateczno na:

INAUGÙRACJOWI KÒNCERT
XIII KASZËBSCZICH AKÒRDEÒNOWICH WARKÒWNIÓW
Recital MIKKO LUOMA – akòrdeón (Fińskô)

w programie: Scarlatti jakno ë dzysdniowô akòrdeònowô mùzyka.

Kòncert bãdze miôł swój plac 28.06.2010 r. (pòniedzôłk), ò gòdz. 18.00 w sedzbie Mùzeùm Kaszëbskò-Pòmòrsczi Runitwë ë Mùzyczi w Wejrowie przë Zamkòwi 2a.

Wstãp je darmôk

Òd 18 do 20 czerwińca 2010 rokù, w Gdini bãdze miôł swój plac ju VII Gdynia Blues Festival. Mómë znôwù mòżnotã wësłëchaniô dwa dni (18. ë 19.) za darmôka mùzyków na Przëmòrsczim bùlwarë, króm tegò dô jesz 20. kòncert za dëtczi.

Grac bãdą  m.jin. Gov’t Mule, The Brew, TSA, Boogie Chilli, Easy Rider ë wiele jinych.

Rôczimë na Kaszëbë do słëchaniô bluesa!

Wicy wëdowiédzë dobëjeta na starnie gdyniabluesfestival.pl

Gdinia Blues Festivall 2006 - karno: Big City

W sobòtã 15. lëpińca, zakùńczëł sã III Gdynia Blues Festival . Impreza czëkawô ë jesz do tegò dwa slédné dni szło za darmôka (jak ju òd zôczątkù Festiwalë – òd 2004 rokù) wësłëchac mùzyków na Przëmòrsczim bùlwarë. Mòżno bë pòmëszlec, że dlôte żë “wjôzd” bëł za darmôka ë téż przë taczi wiodrzë nie szło dzë jigłë włożëc – tak równak nié bëło. Nie wiem z czim je to sparłączoné, mòże z lëchą zaczãcbã, a mòże z tim, że tak pò prôwdze to lëdze barżi cygną n.p. do Sopòtu.

(wicy…)

Bôczënk: Òbkłôdka platë pòdlégô ùsôdzczim prawòm ë pòchôdô ze starnów ot-vinta.com

Wczora to szło pò prôwdzé mie blós abò zaspiewac “Не мала Баба клопоту купила Порося” abò wzyc sã do robòtë, bò przistãpù do nowëch kaszëbskòjãzëcznëch starnów nie bëło.
Z tima bitama ë bajtama to jakòs tak je, że rôz òne są, a rôz jich nie ma. Wczora prawie bëło nót je wëszëkac, a to doch nôlepszô robòta dlô Sznëpòrznika . W tim sznëpòrzeniém towarzëszëła mie ta frantówka Не мала Баба клопоту купила Порося ùkrajińsczégò karna Ot Vinta, jaką mie drëch pòdesłôł (jesz rôz dzãka).

Nie bãdã ji trzëmôł blós dlô se, bò mëszlã, że czéj wa bãdzéta kòmùdni, to mòże òna wama téż hùmòr pòprôwi.
Frantówczi karna Ot Vinta (móm czëtë, że miono nie mô nick bëlnëgò òznôczac ) nalezeta tuwò .

Jeżlë òbôczôta jesz jaczi felë to proszã napisac ò nich do mie, nôlepi cëtëjąc to co sã wama wëskrzëniło – bãdzé to dlô mie wiôlgô pòmòc .