Mómë ùprzëstãpnioné na linuxcsb.org , Kaszëbsczi Remix Kubuntu 9.10 . Je òn zmòdifikòwóną wersëją distribùcëji Kubuntu 9.10, chtërną mómë w pierszi rédze dofùlowóną najim kaszëbsczim dolmaczënkã graficznegò òkrãżô KDE. Drëdżim jãzëkã, chtërny mómë dodóny, to pòlsczi jãzëk – dzãka temù dobëwają brëkòwnicë fùl przëstãp do softwôrë, chtërnô jesz nie je przedolmaczonô na kaszëbsczi. Dodóné mómë téż wszelejaczé kòdeczi aùdio i wideò, co dô mòżnotã graniô wnetka wikszoscë fòrmatów.
Przez to, że ma nie chcelë przeńc w miarze lopka grańce 700 MB, mómë czile aplikacëjów rëmniãtich – dodôné mómë równak na jich placu téż nowé. Naji softwôrowi wëbiérk je subiektiwny, wiemë dobrze ò jegò słabich starnach, je to równak pierszé ùprzëstãpnienié kaszëbskòjãzëkòwégò Linuksa w taczi fòrmie.
Proszimë pamiãtac ò tim, że nié ùprzëstãpniamë niżódny nowi distribùcëji Linuksa, a blós ji skaszëbioną ë spilszczoną wersëjã.
(wicy…)
.