Kaszëbskô Wëdowiédnô Starna

Bôczënk: Przez felënk kòmpatibilnotë, rëchli na tich starnach ùprzëstãpnionych ùstôwów klawiaturë, z Windows Vista ë Windows 7, chtërnych ùsôdzcą bëł Piotr Formella, móm przërëchtowóné w 2007 rokù jich nowé zestôwczi, chtërné robią téż w nowszich wersëjach Windowsa – mòżeta je zladowac niżi.
Dzãkùjã baro Piotrowi za rëchli ùprzëstãpnioné pòmòce!

Do zladënkù

1. Kaszëbsczi ùstôw programistë

2. Zestôwk  dwóch ùstôwów, wëżi przedstôwiónegò kaszëbsczégò ë pòlskò-kaszëbsczégò z pòlskòjãzëkòwa pòmòcą w jich instalacëji

• pl+csb.zip
• sam sã rozpakòwùjacy lopk .exe

---

Kaszëbskô klawiatura òsta zgłoszonô do freedesktop.org, przez kaszëbsczé karno dolmôczów Linuksa w pòłowie 2006 rokù. Òd tegò czasu (przez aktualizacëjã nôslédnëch distribùcëjów) sta òna sã prakticzno ju dzélã wszëtczich ùniksowich sytemów.

Przëmiôrë pòpùlarnëch linuksowich distriùcëjów zamëkającëch w se kaszëbska klawiaturã: Debian GNU/Linux – òd 4.0 (etch), Fedora – òd wersëji 8, OpenSUSE òd wersëji 10.2, Ubuntu (Edubuntu, Kubuntu, Ubuntu, Xubuntu) òd wersëji 7.04.

W tim dzelu nalezéta wãzłowaté pòmòce w ùstôwie kaszëbsczi klawiaturë.
Pò zrëszeniô tich w 2006 rokù starnów linuxcsb.org mómë stądka linuksowé artikle na nowi plac przeniosłé. Szło nama tuwò ò ùtrzëmanié témòwò zblëżonych artiklów na jednim placu ë téż ò to bë sã nie pòwtôrzac. Przez to rôczëmë brëkòwnikół Linuksa brateczno na naji linuksowé starnë. Tuwò mómë le òstôwioné krótczé, chòc gwës téż pòmòcné instrukcëje.

---

Artikle ò kaszëbsczi klawiaturze na linuxcsb.org:

• Kaszëbskô klawiatura w KDE 3.5.x
• Kaszëbskô klawiatura w GNOME
• Rãczné dodôwanié kaszëbsczi klawiaturë w KDE

Òd 2.gòdnika 2006 rokù brëkòwnicë òperacjowi sytstemë Mac OS X mògą ùżëwac, dzãka robòcë Sebastiana Marciaka, téż na Macintoshu kaszëbsczi klawiaturë.

Instalacëjô:

1. Proszã zladowac lopk z tich starnów
2. Proszã môlowò zrëszëc zladowóny lopk – doprowadzy to do instalacëji kaszëbsczégò ùstôwù klawiaturë.

Kaszëbsczé òsoblëwé lëterë nachôdôją sã w môlu znónëch ju z ùstôwów dlô Linuksa ë Windowsa. Ùsôdzca włożëł dodôwno jesz znaczi eogonek (ę) pòd klawiszą W jakno ë escet (ß) pòd klawiszą 4 dlô brëkòwaniô tëch przë robòcë nad stôrëma kaszëbsczéma tekstama w chtërnëch escet wëstãpiwô jakno ë dlô spójnoscë z alfabetã Floriana Ceynowë. Znak euro (€) nachôdô sã na tipicznëm dla Maca placu (pòd klawiszą 3).
(wicy…)

OpenSUSE 10.2 RC1, jakô pòkôzała sã do zladënkù 23. lëstopadnika, je pierszą linuksową distribùcëją jakô zamëkô ju w se kaszëbsczi ùstôw klawiaturë, niezanôléżno òd tegò czë brëkùjemë KDE czë téż GNOME. Dzãka temù je mòżno terô na prosti ôrt dodac klawiaturã CSB wëbierając jã zwëczajno z przëstãpny lëstë ë ùżëwac kòmpùtra do pisaniô pò kaszëbskù.

Rozszérzenié pòlsczégò lopkù òstało zgłoszoné do Freedesktop.org przez kaszëbsczé karno dolmôczów Ubuntu Linuksa (dzejącé pózdni téż przë KDE) w lëpińcu, a nalazło sã jakno pòprôwka (w wersëji 1.10) 30 lëpińca. Sprawą czasu ju je aùtomatné pòkazanié sã nowi wersëji klawiaturë w nôslédnëch nowëch wëdaniach różnëch distribùcëjów Linuksa.

Pòkazanié sã ti mòżnotë ceszi naji jakno karno dolmôczów ë je przëmiôrã na to, że robòta slédnëch ksãżëców nie jidze na starcenié. Na aùtomatny kaszëbsczi KDE trza bãdze jesz kąsk pòżdac, le ten je ju téż sprawą czasu.

(wicy…)

Drobné rozszérzenié co do ùstôwù kaszëbsczi klawiaturë w KDE

Bôczënk: We wszëtczich nowich distribùcëjach je ju kaszëbskô klawiatura bënë – tekst tikô sã stôrszich wëdôwków.

Jeżlë brëkòwnicë linuksowëch distribùcëjów Fedora Core czë Mandriva nie bëlë w sztãdze nalezc lopkù jaczi je nót zjinaczëc tak bë szło pisac w KDE pò kaszëbskù (czëtôjta wicy w artiklu: Kaszëbskô klawiatura w KDE) to bëło to zwëczajno sparłączoné z tim, że nen najdiwô sã na jinszëm môlu jak n.p. w distribùcëji Kubuntu 6.06/6.10.

(wicy…)

Pòlsczé klawiaturë programistë (QWERTY)

Na zôczątkù chcã napisac krótkò ò tim, że mómë dwa sztandardowé rozwiązania polsczégò ùstôwù klawiaturë programistë (QWERTY):

1. brëkòwóné w systemach GNU/Linux, GNU/xxBSD, Amiga czë Windows (barżi pòpùlarné)
2. rozwiązanié sztandardowé dlô systemë MacOS.

W jednym ë drëdżim mómë dwa różné ôrtë wëzwëskaniô lëterów ż ë ź (pòmijóm tuwò we wstãpie czësto różne pòłóżenie céchù” €”).

W MacOS wëzwëskùjemë wszëtczé céchë ze “sztriszkã” z kòmbinacëji ALT + spòdlowô lëtera, a céch ż z kòmbinacëji ALT+x, zato w tich pierszich (GNU/Linux, GNU/xxBSD, Amiga czë Windows) wëzwëskùjemë lëterã ż (jakno czãsczi brëkòwóną) z kòmbinacëji ALT+ z, a ź z kòmbinacëji ALT+ x.

(wicy…)

Bôczënk:

Jeżlë brëkùjesz nowich distribùcëjów, jakno n.p.

• Debian GNU/Linux – òd 4.0 (etch)
• Knoppix – òd wersëji 5.1
• OpenSUSE òd wersëji 10.2
• Sidux
• Całô familëjô Ubuntu (Edubuntu, Kubuntu, Ubuntu, Xubuntu) òd wersëji 7.04

to nie mùszisz w nich niczegò dodôwac. Złoszona przez naju (linuxcsb.org) òb lato 2006 rokù klawiatura, nachôdô sã ju w nich bënë ë mòżesz przeńc zarô do dzelu II. Aktiwòwanié kaszëbsczi klawiaturë w KDE negò artikla, bë zwëczajno jã wëbrac.

(wicy…)