Kaszëbskô Wëdowiédnô Starna

Mómë ùprzëstãpnioné na linuxcsb.org , Kaszëbsczi Remix Kubuntu 9.10 .  Je òn zmòdifikòwóną wersëją distribùcëji Kubuntu 9.10, chtërną mómë w pierszi rédze  dofùlowóną najim kaszëbsczim dolmaczënkã graficznegò òkrãżô KDE. Drëdżim jãzëkã, chtërny mómë dodóny, to pòlsczi jãzëk  – dzãka temù dobëwają brëkòwnicë fùl przëstãp do softwôrë, chtërnô jesz nie je przedolmaczonô na kaszëbsczi. Dodóné mómë téż wszelejaczé kòdeczi aùdio i wideò, co dô mòżnotã graniô wnetka wikszoscë fòrmatów.

Przez to, że ma nie chcelë przeńc w miarze lopka grańce  700 MB, mómë czile aplikacëjów rëmniãtich – dodôné mómë równak na jich placu téż nowé. Naji softwôrowi wëbiérk je subiektiwny, wiemë dobrze ò jegò słabich starnach,  je to równak  pierszé ùprzëstãpnienié kaszëbskòjãzëkòwégò Linuksa w taczi fòrmie.

Proszimë pamiãtac ò tim, że  nié ùprzëstãpniamë niżódny nowi distribùcëji Linuksa, a blós ji skaszëbioną ë spilszczoną wersëjã.
(wicy…)

Gduńsk promòwóny w kaszëbsczim jãzëkù

Gduńsk dożdôł sã nôslédny starnë w kaszëbsczim jãzëkù – je to strana promùjącô Gduńsk do miona Eùropejsczi Stolëca Kùlturë na rok 2016, chtërną zdolmaczëł Wasta Zbigniew Jankòwsczi.

Samô dejô integracëji nôrodów Eùropë przez promòwanié kùlturë ji òbéńdów Eùropë zrodza sã w 1995 rokù. Terô wëbierónë są dwie stolëce, jednô z państwów przódny EÙ, a drëgô z nowo do ni doszłech ë tak 2016 rokù wëbróny bãdze jedn gard ze Szapńsczi, jakno ë drëdżi z Pòlsczi.

Czegò dërch nama felëje w tich pòdjimiznach (tikô sã to téż domôcy starnë Gduńska ò jaczi ma pisalë łoni) to czile prostich nowinów w kaszëbsczim jãzëkù, przez co mómë starnë pò kaszrbskù równak dali le prakticzno staticzné, a ni żëwé, starnë. Nimò tegò je to gwës jaczis pòsobny krok w przódk w promòcëji kaszëbsczégò jãzëka w sécë.

Verba Sacra - Kaszëbskô Biblëjô w Wejrowié

19 stëcznika ò 17:00 wieczór, w wejrowsczi Kòlegiace (Fara) , w òbrëmieniu cyklu Verba Sacra – Modlëtwë pòlsczich katédrów, bãdze mia swój plac kaszëbskòjãzëkòwô prezentacëjô Ewangelëji wedle sw. Matéùsza.

Ùsôdzcą dolmaczënkù ë równoczasno ewangelëcczich dopòwiesców je (znóny ju z rëchliszëch dolmaczënków Nowégò Testameńtu Nowego ma kaszëbsczi jãzëk) o. Adam Ryszard Sikòra OFM. Na zéńdzeniu w Wejrowié, wëjimczi Ewangelëji pò kaszëbskù, przedstôwi Danuta Stenka, a dopòwiescë do tegò przińdą òd prof. Jerzegò Trédera ë o. Adama Riszard Sikòrë.

Verba Sacra je ùdbą ùsôdzôwòną òd 2000 rokù, a ji deja je przëszłô òd reżiséra Przemysław Basiński.

Aùtorama mùzyczi Verba Sacra 2009 są Tadeùsz Korthals (Northstudio) ë Cyprian Wieczorkòwsczi (Lud Hauza).

(wicy…)

W latosym kònkùrsé miona Jana Drzéżdżóna “Bë nie zabëc mòwë starków“, szło ùzdrzëc ë ùczëc 40 ùczniół ze 14 szkòłów pùcczégò krézu.

Nôddgrodë dobëlë

I kategòrëjô (klasë I-III spòdlecznëch szkòłów)

1. Andżelika Wach (Swôrzewò)
2. Paweł Hincka (Gniéżdżewò)
3. Sara Mùża (Mòstë)

(wicy…)

Òglowi Zôrząd Kaszëbskò-Pòmòrsczégò Zrzeszeniô
Mùzeùm Pùcczi Zemi m. F. Cenôwë
Spòdlëcznô Szkòła w Pilëcach
Kaszëbskò-Pòmòrsczé Zrzeszenié part w Pilëcach
Pòwiatowé Starostwò w Pùckù

rôczą na

XVII kònkùrs kaszëbsczi gôdczi

Bë nie zabëc mòwë starków

m. Jana Drzéżdżóna

jaczi mdze
5.12.2008 r. (piątk)
w Spòdlëczny Szkòle w Pilëcach

(wicy…)

Do pisaniô VII Diktanda z kaszëbsczégò jãzëka, jaczé miało swój plac 8 lëstopadnika 2008 rokù w Kòscérznie, sadło 136 sztëk lëdzi. Tekstë, jaczé bëłë wëjimkama z ùsôdztwa Aleksandra Majkòwsczégò, przërëchtowa Hana Makùrôt Z Gduńsczi Ùniwersytetë – pòd czérënkã prof. Jerzégò Trédera.

Laùreatama w piãcu kategòrëjach òstalë:

I. Spòdlecznô szkòła

1. Klaùdia Jankòwskô – Môłi Mésterk Kaszëbsczégò Pisënkù
2. Magdalena Bòrzëszkòwskô
3. Ana Skierka

(wicy…)

Òglowi Zarząd Kaszëbskò-Pòmòrsczégò Zrzeszeniô, Mùzeùm Pùcczi Zemi m. F. Cenôwë, Pòwiatowé Starostwò w Pùckù, Spòdlecznô Szkòła w Pilëcach ë Part Kaszëbskò-Pòmòrsczégò Zrzeszeniô w Pilëcach rôczą dzecë ë młodzëznã z pùcczégò krézu do XVII kònkùrsu kaszëbsczi gôdczi miona Jana Drzéżdżóna

Bë nie zabëc mòwë starków

Kònkùrs bãdze miôł swój plac 5 gòdnika (piątk) w Spòdleczny Szkòle w Pilëcach.

(wicy…)

Starnë Gduńska w kaszëbsczi wersëji - przédnô starna

21 lëpińca szło przeczëtac na starnach Kaszëbskò-Pòmòrsczégò Zrzeszeniô, że ju mòże òbôczëc starnë gdansk.pl w kaszëbskòjãzëkòwi wersëji.
Starnë òstałë ùsôdzoné przë wespółrobòce Ùrzãdu Garda Gduńska ë ZK-P (kòòrdinatorã bëł tuwò Jack Fópka), a dolmôczóma starnów bëlë: Róman Drzéżdżón Tomôsz Fópka, Zbigniew Jankòwsczi – jaczi zrobilë to za darmôka, co mëszlã, że je wôrt pòdsztrëchnąc, jakno ë to, że je to pierszô samòrządowô internetowô starna w kaszëbsczim jãzëkù.

Zamkłoscë są dolmaczënkama pòlsczi wersëji, a sóm dolmaczënk je (pòdle mie) tak przërëchtowóny, że wnet kòżdi (téż pòlskòjãzëkòwi czëtińc) mòże gò zrozmiec – jak dlô mie to kąsk felëje kaszëbsczich archaizmów, jaczé to baro zbògôcają kaszëbsczi jãzëk. Mòże przë ti lekturze dozdrzec téż, że je òna ùsôdzonô przez lëdzi z różnëch nórceków Kaszëb (zdrzë n.p.: òdemkłi ë òtemkłi) – co mie prawie nie przeszkôdzô, a nawetka zbògôcô starnë.
(wicy…)

21. stëcznika tegò rokù miôł swójã premierã albùm kaszëbsczégò pùnkòwégò karna The Damrockers – wëdôwcą jegò je wëdowizna Burning Chords.
Damrockers to karno z kartësczégò krézu ë przedstôwiô sã nama na swòji debiutancczi place sztërnôstoma równo zagrónëma sztëczkama, jaczé ùtrzëmóné są w wiesołim ë fùl mòcë sztélu, szlachùjącym kąsk za The Ramones, Po prostu czë téż Toy Dolls.

Czëtôjta wicy na tich starnach w artilku: The Damrockers – debiutancczi albùm