Kaszëbskô Wëdowiédnô Starna

Sztudańcczi Nobel 2009

Do kònkùrsu Sztudańcczi Nobel, realizowónégò przez Samòstójné Zrzeszenié Sztudańtów Gduńsczégò Uniwersytetu (Niezależne Zrzeszenie Studentów Uniwersytetu Gdańskiego) ë stôwiającegò sã  za zgrôw promòcëjã sztudańcczich òsobòwòsców, przëstãpiło piãc pòmòrsczich ùczbòwniów. Westrzód przëszłëch zgłoszeniów, wzérając na: ùczbòwé dobëca, spòlëznianią aktiwnotã, spòrtowé ë artizniané dobëcô ë charitatiwną robòtã, wëprzédniono w Gduńsczi Pòmòrsce 56 sztëk lëdzy.

Nôdgrodniczką latoségò kònkùrsu òsta Kaszëbka: Hana Makùrôt, absolwéntka pòlsczi filologijë, sztudańtka slawisticzi, rusczi filologijë ë filozofijë.

(wicy…)

Dłëgò jô so zbiérôł, żebë przedstawic nônowszą platkã baro ùtalentowónégò mùzyka jaczim na gwës je Olo Walicki. Nie znóm so na teli na mùzyce, żebë napisac bëlną recenzëjã, téj pò taczé òdsélóm na starnã www.olowalicki.com, dze na dodôwk jidze pòznac jesz jine jegò platczi ë samemù ùczëc co téż òn grô.

Na platce Kaszëbë 8 fejn zagrónëch sztëczków z kaszëbsczim spiéwã dwóch dzewùsów z Warszawë ë deklamacëjama Damroczi Kwidzińsczi robi bëlny ùléwk. Je téż jeden sztëczk w jaczim wiôldżi dzél mô spiéwający… pies. Jak chto lëdô, mie so òn strzédno widzy, le na gwës to w kaszëbsczi mùzyce cos òsoblewégò a apartnégò ë na swòj ôrt téż je fejn. To nie je platka z lëdowima sztëczkama, nie ùczëjemë tuwò jesz jedny wersëji kaszëbsczégò jezora czë histoëji ò kùlkach naszi Julczi ë wedle mie to je baro na plus. W môl tegò dostôjemë jassową mùzykã jaka mdze bëlno reprezentowac nają kaszëbską òbéńdã westrzódk jinëch dzélów Pòlsczi a swiata.

(wicy…)

(*) Òbrôzk pòchôdô ze starnë serwisu alegro.pl (kòpijô z dnia 19 môja 2006 rokù)

Miéwca domenë kaszuby.pl wëstôwił ją na zôczątkù môja na internetową aukcëjã. Samô ji zamkłosc nié bëła aktualizowónô prakticzno ju òd zôczątkù ji bëcegò w necé – żle mie pamiãc nié mili, to òd strumiannika 2001 rokù, a to że nalôzła sã na akcëji nié je niczëm lëchim. Pamiãtôm równak “aferã”, chòba z 2003 rokù, z pòrnograficzną pòddomeną jakô sã tam krótkò najdiwôła – òd tegò czasu móm co do ti domenë malińką niészmakã. Czëkawe bëł wedle mie dosc wësoczi wëchódny priz jaczi szło ùzdrzec na akcëji (http://www.allegro.pl/item100426002_www_kaszuby_pl_na_sprzedaz.html) : 70.000 złotëch. Tim razą nié dało sã ji przedac, le mëszlã, ze za jaczis czas sã gwës chtos nalôze.

Kaszëbizna kòl kùńca XX stolata. Na spòdlim baderowniégò Jana Mòdrawszczégò.

Dr Jan Mòdrawsczi w “Geògrafijô dzysészëch Kaszëb” przëjął, dlô wëznaczeniô dzysdniowégò etnicznegò òbjimù Kaszëb, wiôldżi procënt Kaszëbów/Kaszëbek abò téż wiôlgą jich lëczba w òbéńdze. Stądka są weszłë 53 gminë, z czegò wnet we wszëtczich jidze nalezc wicy jakno 50% Kaszëbów/Kaszëbek. Blós w Przechlewie ë Nowi Karczmie je 33-43%, Gdini 12%, Gduńskù ë Sopòce kòl 5%. Równak w tich trzech Gardach żëje wicy jak 50 tësący Kaszëbów/Kaszëbek.

Na mionowizna pòmòrsczich gardów ë wsów pòwstała je w wikszim dzélu na spòdlim ksążczi dr. Jana Modrawsczégò “Geògrafijô dzysdniowëch Kaszëb”, Gduńsk 1999 ë wëmôgô jesz kòrektë.

Zdroje kaszëbsczich (pòmòrsczich) geògrafnëch mionów:

• Florian Cenôwa, Kaschubische Orts- und Volksnamen, w: Jahrbücher für slawische Literatur, Kunst und Wissenschaft, rok II, Lëpskò 1844, Heft 1
• Florian Cenôwa, Skôrb Kaszébskosłovjnskjé mòwé, Swiecie 1866-68
• Stefan Ramułt, Startystyka ludności kaszubskiej, Kraków 1899
• Friedrich Lorentz, Polskie i kaszubskie nazwy miejscowości na Pomorzu kaszubskiem, Poznań 1923
• Friedrich Lorentz, Die kaschubischen Ortsnamen nebst Ableitungen, Berlin 1933
• Friedrich Lorentz (Friedhelm Hinze) Slawische Namen Hinterpommerns, Berlin 1964

(wicy…)