Kaszëbskô Wëdowiédnô Starna

Në ë znôwù rok nama przeszed
- gwës Wama téż za chùtkò sã to téż wszëtkò krãcy.
Z leżnoscë Gòdów ë Nowégò Rokù żëczã Wama wiele redoscë ë szczescô.

Rôczã téż w tim czasu do czëtnictwa na tich starnach wëjimków ze Swiãtégò Pismiona ò narodzéniém Jezësa ë Gòdowich spiéwów.

Jesz nie tak dalek nazôd, przëchôdôłë do dodómù kôrtczi na swiãta òd całi rodzëznë, kôrtczi co je przënoszëł brifka. Ma je chãtno òbzérôlë ë nimò tegò, że tekst bëł wszãdze wnet taczi sóm, to bëłë òne doch wszëtczé różńé.
Terô móm znôwù dostónëch wiele żëczbów na Gòdë, le téż corôz wicy tëch elektronicznëch, a z tima to sã pòmalińkù robi tak, że sëlónô je jednô “kôrtka” do fùl lëdzi ë tak pò prôwdze to człowiek sóm nie wie co je luz ë czë ò niegò jidze:
“Żëczã Ce/Wama wiele dobregò…”
(wicy…)

To, że do naji przechôdô na wilëją Gòdów Gwiôzdor, tëli co jô wiém, wiedzą wnet wszëtcë Kaszëbi. Le jak to je, że do jednëch przechôdô òn, a do drëdżich, jakno na przëmiôr na Szląskù, Dzecuszkò, czë téż w partach Góraleznë Aniółk, abò kòl najich sąsadów zeza płota sw.Miklosz?

Historëjô òbchôdkù swiãta sw. Miklosza sygô tësąca lat nazôd ë wzã sã òd biskùpa Miklosza, jaczi je ùmarł 6. gòdnika 345. rokù pò Christusu, stądka òbchôdómë jegò swiãto w ten dzéń ë je òn w biskùpią seczenkã òblekłi. Cekawé je to, że kòl wielu najich sąsadów przechôdô òn nie blós 6-égò, a téż jesz rôz na wilëją Gòdów.

(wicy…)

Z leżnoscë Gòdów ë Nowégò Rokù żëczã Wama wiele redoscë ë szczescô.

Rëbackô kòlãda z rokù 1980
(ùs. Jerzi Łisk)

(wicy…)

Wëjimczi z Ewanielëjów sw. Mateùsza ë Łukôsza w dolmaczënkù E. Gòłąbka Gduńsk-Pelplin 1993
Kąsk ùdzysdniowił: Mark Kwidzińsczi

Ewanielëjô wedle sw. Mateùsza

1 [...] Narodzenié Jezësa 18 Z narodzenim Jezësa Christusa bëło ta: Pò zdënkù Jegò Matczi Mariji z Józefã, nôprzód, nigle zamieszkelë razã, [Òna] stała sã niesama za sprawą Swiãtégò Dëcha. 19 Ji chłop, Józef, co bëł prawim człowiekã i nie chcôł Ji wëstawic na sromòtã, zamiszlôł Jã krëjamkò òdesłac nazôd. 20 Czej so to ùdbôł, tej hewòle Pańsczi aniół mù sã ùkôzôł w spikù ë rzekł: „Józefie, sënie Davida, nie bój sã wzyc do se Mariji, twòji białczi, bò ze Swiãtégò Dëcha je to, co sã w Ni pòczãło. 21 Pòrodzy Sëna, jaczémù dôsz miono Jezës. Bò Òn wëbawi swój lud òd jegò grzéchów“. 22 A no wszëtkò sã stało, żebë bëło zjisconé Pańsczé słowò rzekłé przez proroka: 23 Hewò Dzéwica pòcznie i ùrodzy Sëna, jaczémù nadadzą miono Emmanuel, co znaczi Bóg z nama. 24 Czej Józef òdeckł, zrobił tak, jak mù przëkôzôł Pańsczi aniół; wzął swòjã Białkã do se, 25 ale nie zbliżôł sã do Ni, jaż ùrodzëła Sëna <swégò pierwòrodnégò>, jaczémù dôł miono Jezës.

(wicy…)

Ewanielëjô wedle sw. Jana

Piesniô ò Przedwiecznym Słowie (J 1, 1-14)

1 Na zôczątkù bëło Słowò, a Słowò bëło ù Bòga i Bògã bëło Słowò. 2 Òno bëło na zôczątkù ù Bòga. 3 Przez Nie wszëtkò sã stało, a bez Niegờ nick sã nie stało, co je stớné. 4 W Nim bëło żëcé, a żëcé bëło widã lëdzy, 5 a wid ò cemkù swiécy, i cemk gò nie przemógł. 6 Béł człowiek pòsłóny òd Bòga. Jan bëło jegò miono. 7 Nen przëszedł na swiôdczenié, bë dôł dokôz ò widze, żebë wszëtcë ùwierzëlë przez niegò. 8 Òn nie béł widã, le żebë dôł dokôz ò widze. 9 Béł prôwdzëwi wid, co òbswiecywô kòżdégò człowieka, czej przëchôdô na swiat. 10 Bëło [Słowò] na swiece i swiat sã przez Nie stôł, le swiat Jegò nie pòznôł. 11 Przëszło do swòjich, le swòji Je nie przëjãlë, 12 a tim, co Je przëjãlë, dało jima mòc, żebë sã stelë Bòżima dzecama, Tima, co wierzą w Jegò miono, 13 co nié ze krëwi ani z łakòtë cała, ani z wòle chłopa, le z Bòga sã narodzëlë. 14 A Słowò stało sã całã, i zamieszkało midzë nama. I òbzérelë më Jegò chwałã, chwałã, jaką Jednorodzony mô òd Òjca, pôłny łasczi i prôwdë.

(wicy…)