(*)

Mésterstwa Swiata sã kùńczą – czas na krótką refleksëjã.
Całô jimpreza mie sã baro widzała, bëła pòd klarownima parolama ë dobrze zòrganizowónô.
W miemiecczich gardach bëło wiele lós, szło wnet wszãdze nalezc place z wiôldzima bunama, na jaczich szło darmôk òbzérac mecze, gòsców z wszelejaczëch starnów swiata bëło fùl, a razą z nima téż kùlturowëch towarzëszãcëch jimprezów.A terô mòje lóze migawczi

10. czerwińca, na drëdżi dzéń pò meczu pòlsczi reprezentacëji w Gelsenkirchen , miemiecczi nôrodni socjalësce (part NPD) zòrganizowôlë demònstracëjã. Gôdczi bëłë wprzód taczi, że mòże nie dońdze do tegò, le taczi ju prawa demòkracëjë, zameldowóne bëło wczas ë mògle maszérowac. Przemaszérowale (kòl 200 sztëk lëdzi) le blós 150 metrów – antidemònstrantów nalôzło sã wicy.
W gardze spòlëzna sã bëlno zrzëszëła, dôwała n.p. “czerwioné kôrtczi” nazystóm, wëwiesziwôjąc je w krómach ë zòrganizowała trzë antidemònstracëje .

Ù drëchów doma / Czas nawlékaniô drëszbë – në jo, fejn parole, jaczi szło ùczëc w radio czë telewzérnikach całegò swiata, blós ju w wiertelfinałach szło òb całi mecz Argentina-Miemce ùczëc gwizdë tak dołgò jak argentinczicë bële przë bale, a na meczu Italskò-Miemieckò bëło jesz gòrzi, bò nawetka òb czas italsczégò himnu gwizdôle – lëdzkô głëpòta nie znaje grańców.

W miemiecczim fùsbalowim karnie to grô wnetka całi swiat, w tim téż Pòlôsze. Chtos mie gôdôł, że jak òdcëgnąc téż tëch fósbalowników z dôwni Demòkraticzni Repùbliczi to bãdze tëch “prôwdzëwëch” Miemców le trzech – mòże tak i je, nie chce mie sã bawic w detektiwa.
Co do Podolsczégò ë Klose, to stôle sã òni lepszima ambasadorama Pòlsczi jak ni jeden pòlitikôrz.
Klose, w wëwiôdze dlô miemiecczi pùbliczni telewizëjë, na pëtanie czë je to prôwda, że doma gôdô z białką (téż Pòlôszka) pò pòlskù, pòwiedzôł, że jo. Zwëczajne jo, bez wstidu, czë diachôł wie czegò jesz. Dlô pëtajacegò sã gazétnika nie bëło to taczi normalné .
Podolsczi znôwù gôdô, że nôbarżi w swiece lubi zjesc tipiczné pòlsczi jadło – bigòs , mô dzéwczã téż z Pòlsczi ë żle le mô czas, to nëkô do Pòlsczi do swòji starczi w Gliwicach.

Mésterstwa Swiata w Fùsbale sã kùńczą, nôslédny za sztërë lata w Pôłniowi Africe .

Nie je doch taczi wôżné chto bãdze méstrã swiata, wôżniszi w tëch MS je to, że lëdze nalôzle barżi do se.

Tim òptimisticznëm akceńtã robiã sã paùza – czas na ùrlop z dzecma ë białką.

• Description: The original FIFA World Cup
• Source: Taken on April 26th 2006 at the honorary gala in Duisburg
• Photographer: Ulf Dietrich
• Date: 4/26/2006

Wtëkôcz w akcëji

Lubòtnicë Mésterstwów Swiata w Fùsbale ë Firefoxa mògą w tim przezérnikù zainstalowac baro prakticzny wtëkôcz z Joga.com. Dzãka niemù jmòże ùzdrzec nié le blós same rezultatë meczów, ale téż całi jich przebieg (czë chto dostôł żółtã kartkã, chto strzelëł gòla ëtp) razã z tématicznëma wideòklipama ë diskùsjowima karnama. Je mòżno téż przëòbléc tak przezérnik bë dostôł farwë kraju za jaczim jesma, czë jaczi sã nama zwëczajno widzą – automatno ùstôwiają sã farwë domëslnegò jãzëka Firefoxa.
Baro przëdatny wtëkôcz dlô wszëtczëch kibòlów – a wiãc téz dlô mie . Mòże ë piszã ò tim tidzéń za pózdno, le przez tã fùsbalã to mòm terô mało czasu na pisanié . Jak to wëzdrzi w ptaktice, mòżeta òbôczëc z bòkù.

Adresa zladënkù: http://www.mozilla.com/add-ons/jogacompanion/

Òficjalné logò MS. Zdrój: http://www.fifa.com/

Na zôczątkù wszëtczich 64 meczów Mésterstwów Swiata w Fùsbale w Miemieckò, mòżno bãdze òbôczëc na westrzódkù sztadionu banerã z parolą turniérë Czas nawlékaniô drëszbë razã z przëkôzã Nie dlô rasëznë, jakô bãdzé tam leżôła do zôczątkù kôżdegò meczu. Òsoblëwié wiertelfinałë 30. czerwińca ë 1 lépińca bãdą dedikòwóné biôtce z rasëznã. Przëtrôfczi, jaczi szło dozdrzec slédnyma czasama we wszelejaczich krajach, zmòbilizowałë òrganizatora MS do tegò, bë sã klarowno òpòwiedzec procëm temù. FIFA mô nôdzejã, że 18. MS bãdą stałë w dëchù drëszbë ë òczarzëniô fùsbalą. Akcëjô na je prowadzonô przë wespółrobòce z FARE (Football Against Racism in Europe – Fùsbala Procëm Rasëznie w Eùropie).

Czëtôjta wicy na starnach:

• fifa.com
• fifaworldcup.com
• farenet.org
• nigdywiecej.org