Pôlą sã wsë w Salwadorze
Òpùblikòwóné w: Kùltura — Tadżi: Dezerter, dolmaczënczi — Mark Kwidzińsczi @ 1:55 pp 2 czer. 2007 Dopòwiesców (5)
Ju gwës dlô wielu ùszłota -gramòfón
Słëchając dzysô platów – mëszlã tuwò ò czôrnëch krążkach co sã krãcą z chùtkòscama 33 1/3, 45 czë 78 òbrëcenków na minutã – przëpòmnia mie sã, jak (dzes ze trzë lata nazôd) przëszed do mie knôp sąsôda ë zdrząc na gramòfón spëtôł sã co to je ë pòwiedzôł, że cos taczégò pierszi rôz grôjącé widzy. Rok to mùszôł bëc 2004, a mòże ë 2003 ë do mie dopiérze bëło doszłé, że dlô wikszoscë młodszi generacëji je to zwëczajnô stôrodôwnota – nie generalizëjã, piszã blós ò wikszoscë.
Jô słëchóm dali chãtno czôrnëch platów, terô prawie pò Sonny Boy Williamsonie – plata wëszłô w 1966 rokù – móm Dezertera z 1988 rokù pùszczoną, ë jem rôd z tegò jak mie sã przëtrôfi dzes na jôrmarkù jakã kùpic, czë òd drëchów jakã dostac. Dlô mie w taczim słëchaniém je wiele pòkòju, tuwò nie je tak letkò przeskòknąc ò czile ùtwòrów do przódkù czë nazôd (mòże to zrobic, le je to doch wicy robòtë), platë trzészczą, czasã cos przeskòknie, a człowiek sã sadnie w zeslu ë słëchô tegò spòkójno dali – je w tim dlô mie cos człowieczegò prawie.
Pôlą sã wsë w Salwadorze
Chłopi z bùlwama piéką sã
Zgwałoconé białczi bùten léżą
Wiesoli knôpi tankama scëgôją sãÒbzérôjta strôszny, nowi
Film ò Salwadorze farwòwi
Wzérôjta lëdze
Jak ùceszno
Môrtwé dzecë
Léżã wkół
Dzecë są głodné ë baro zgniłé
Wòjskò z nima wiele ùcechë mô
Zabijô wszëtczé, jeżlë żëwé
Poszérzając jima ùsmiénié nożama
Òbzérôjta strôszny, nowi…
Òglowô rëdota ë wiôlgô entuzjazma
Lëdze są rôd, że spôdają głowë
Zrobiali ë z wiôlgą starą
Żôłnierze nôslédnych do nieba wësëlôją
Òbzérôjta strôszny, nowi…
Tam je wiesoło ë wiedno je co lós
Chcã tam wëjachac na ferije
Ù naji wcyg le jimrotno je
A w Salwadorze dzéń w dzéń sensacëje
(Baro wòlny dolmaczënk spiéwë “El Salwador”; Dezerter Kolaboracja II, nagr. 1988)
Spiéwô Dezetrer na starnie B, tekst do smiechù to nie je , dolmaczëc wiérztów nié rozmiã (dobrze, że to pùnkòwô spiéwa je), plata skôkô, derch czëc je trzôsk , nimò tegò dobrze je. Wëcôgnã singla “Kù przińdnocë” – gwës nôbarżi dobiti z wszëtczégò co móm. Gabba Gabba Hey! 
- Za Dezétretã wzérôjta na starnie: dezerter.most.org.pl
Kaszëbsczi punk-rock
A jô wcyg żdajã punk-rock z kaszëbsczim tekstã. Mòże czedës…
Dopòwiesc przez Rómk — czer. 3, 2007 @ 5:26 pp
Tam to ju cos dało (BDK ë chòba ti sami jakno Damrokers téż), nie bëło jidealno, le na gwës pò kaszëbskù. A bëłobë ò czim spiéwac, nié?
Pòzdrówczi
Dopòwiesc przez Mark — czer. 3, 2007 @ 7:01 pp
W The Damrockers je blós jednô òsoba z BDK. Terô to ju nawetka nie jem gwës czë òni jesz razã grôją. Biletë ju nie chcą grac “Kaszëbë naszi są” ë nick w tim dzywnégò, kò kùli mòże spiewac nen sóm sztëczk
A jinëch pò kaszëbskù nie mają.
Jô téż żdóm na wicy punka pò kaszëbskù!
Dopòwiesc przez Michôł — czer. 4, 2007 @ 4:16 pp
OK, to terô je chòc to klôr co do karnów. Në to mòże jesz przińdze nama sómemù co nagrac
. Jô tam przódë grôł na trąbie, a tak na chùtkò to bë nawetka kògò jesz nalôz na krótką sesëjã. Piszã nie wiążąco, le czasã, chto wie….
Dopòwiesc przez Mark — czer. 4, 2007 @ 7:06 pp
+1
Jô mògã spiéwac – chòc tak pò prôwdze to spiéwóm tak samò lëchò jak gróm na jinstrumentach wszelczich…
Dopòwiesc przez Michôł — ru. 11, 2007 @ 2:07 pp