Kaszëbskô Wëdowiédnô Starna

Sztudańcczi Nobel 2009

Do kònkùrsu Sztudańcczi Nobel, realizowónégò przez Samòstójné Zrzeszenié Sztudańtów Gduńsczégò Uniwersytetu (Niezależne Zrzeszenie Studentów Uniwersytetu Gdańskiego) ë stôwiającegò sã  za zgrôw promòcëjã sztudańcczich òsobòwòsców, przëstãpiło piãc pòmòrsczich ùczbòwniów. Westrzód przëszłëch zgłoszeniów, wzérając na: ùczbòwé dobëca, spòlëznianią aktiwnotã, spòrtowé ë artizniané dobëcô ë charitatiwną robòtã, wëprzédniono w Gduńsczi Pòmòrsce 56 sztëk lëdzy.

Nôdgrodniczką latoségò kònkùrsu òsta Kaszëbka: Hana Makùrôt, absolwéntka pòlsczi filologijë, sztudańtka slawisticzi, rusczi filologijë ë filozofijë.

Hana Makùrôt je ùsôdzcą wielu, sparłãczonëch z kaszëbską kùlturą (z cëskã na kaszëbsczi jãzëk), pùblikacëjów ë refératów jakno ë wielu kaszëbskòjãzëkòwich pùblikacëjów. Je òna pierszą personą w Pòlsce, jakô napisa całowną magistrową robòtã pò kaszëbskù.

W rok↓ 2007 Hana Makùrôt òsta  téż dobëtnicą òbéńdowégò etapù kònkùrsu  Primus Inter Pares, chtërnegò kòntinuacëją je Sztudańcczi Nobel.

Temòwò sparłãczoné internetowé starnë:

• Domôcô starna Hanë Makùrôt: http://hana.kaszubia.com/
• Pòsztura ë ùsôdztwò pòétczi na stranach ZYMKù
• Pòsztura ë ùsôdztwò pòétczi na stranach  Czëtnicë
• Òdjimczi z ùroczëznë: galerëjô NZS

Zdroje:

• Domôcô starna ùdbë Studencki Nobel
• Gazeta wyborcza: Trójmiasto (Artikel z 27.04.2009, Alicja Katarzyńska: “Studencki Nobel dla Hanki z Kaszub”)