Ju pierszô gwiôzdka skrzi na niebie,
Wic Dzecątkò pòwitac czas,
Zrodzoné, bë zbawic przez sebie
Miłotą Bòżą grzésznëch nas.
Witómë Ce Jezëskù drodżi,
Witómë Ce tu westrzód nas,
Chòc jes jesz môłi, ju prosbã mómë:
Ò Jezë, Jezë,
Ò Jezë, Jezë,
Pòmòżë zmienic nasz cãżczi czas.
W krëpkù leżi jak w mòrzczim bôce,
Nad Nim trosklëwô Nënczi twôrz.
Żużkôj, Synkù nabierzë mòcë,
Cerznisti rejs przed sobą môsz.
Witómë Ce…
Më kaszëbsczi, cwiardi rëbôcë,
Le z Twòjim mionã checmë żëc,
Wiarë nie wezną nóm złé mòce,
Bądzemë ji wcyg wiérno strzéc.
Witómë Ce..