Spisënk zamkłoscë
1. Co to je PDF?
2. Programë do kònwersëji lopków do PDF- fòrmatu.
Pdf995 jakno darmòwô alternatiwa.
3. Kònwertowanié lopków do PDF – na przëmiarze kaszëbsczégò editorë KaszEd .
1. Co to je PDF?
PDF (Portable Document Format) je lopkòwim fòrmatã namieniónym do elektroniczny distribùcëji dokazów.
PDF òstôł rozwiti przez firmã Adobe ® razã z jãzëkã PostScript ë pòszérzóny ò hiperlënczi, kòmpresëją lopków ë szifrowónié. Je òn ùniwersalnym fòrmatã lopków, chtëren zamëkô w së wszëtczé fòntë, sztélë, farwë ë graficzi kòżdégò wëchòdnégò dokazu, niezanôléżno òd kòmpùtrowi platfòrmë brëkòwóny do jegò zrëchtowaniégò (Mac OS, Linux, Windows…).
Darmôk programa chtërną mô ù se w kòmpùtrze wnetka kòżdi, Adobe Acrobat® Reader™ ùmòżlëwiô czëtanié ë drëk taczich lopków, równak nié jich impòrt ë dalszą edicëją. To je mòżlëwé blós ze specjalnëma programama. Nowô wersëjô Adobe Acrobat® Reader™ ùstôwi téż plug-in’ë dlô przezérników Netscape Communicator ë Internet Explorer. To dô mòżlëwòtã czëtaniô PDF-dokazów online w tich przezérnikach. .
PDF słëchô dzysô nôlepszim fòrmatóm do elektroniczny pùblikacëji ë distribùcëji dokazów.
2. Programë do kònwersëji lopków do PDF- fòrmatu.
Pdf995 jakno darmòwô alternatiwa.
Bë kònwertowac lopczi (.txt, .doc, html, ëtd.) do .pdf je brëk miec pasowną do te programã.
Baro dobré naturalno są programë z firmë Adobe ® Reader, równak òsoblëwò dlô priwatnégò brëkòwnika felą je jich dosc wësoczi priz.
Le doch czim béłbë internet, czejbë nie szło w nim nalezc alternatiwë.
Taką je darmôk drëkrowi czérownik pdf995, chtëren najdzeta na starnie http://www.pdf995.com
Pò zainstalowanim najdzeta w lësce drëkrów nowi drëker ò mionie “pdf995″.
3. Kònwertowanié lopków do PDF – na przëmiarze kaszëbsczégò editorë KaszEd .
Bë skònwertowac skùńczóny dokôz do fòrmatu .pdf sygnie do te prosti drëkrowi nôkôz.
Wëbiérzta ôrt drëkra – tuwòb PDF995
ë zapiszta wasz dokôz w PDF.
Lopk zapisóny na nen ôrt mòże pòsobno òtemknąc darmòwą programą Adobe Acrobat® Reader™ ; mòże gò wladowac do internetu, ùżeczającë swój dokôz jińszim.
Bôczënk: Przë brëkòwanim darmòwi wersëji programë je widzec reklamë – równak dzãka te, za programã nie je nót nick płacëc.
( mk / tu )