Zemia Rodnô, pëszny kaszëbsczi kraju,
Òd Gduńska tu, jaż do Roztoczi bróm!
Të jes snôżô, jak kwiat rozkwitłi w maju.
Ce, Tatczëznã, jô lubòtną tu móm.
Sambòrów miecz i Swiãtopôłka biôtczi
W spòsobie Ce dlô nas ùchòwałë.
Twòje jô w przódk bëlné pòcyskóm kwiôtczi.
Òdrodë cél Kaszëbóm znôw brënie.
Tu jô dali mdã starżã zemi trzimôł
Skądka zôczątk rodnô naj rózga mô.
Tu mdã dali domôcëznë sã jimôł
Jaż zajasni i nama brzôd swój dô.
Jan Trepczik
Jan Trepczik (1907-1989) Dzejôrz spolëczny, pedagòga, jeden z nôwikszëch kaszëbsczich ùtwórców, nôleżnik karna Zrzeszińców, kòmpòzytora, ùsôdzca Słowôrza pòlskò-kaszëbscziegò, òbimającegò kòl 60000 słów.