(himn Młodokaszëbów)
Pòmòrsczi Grif rozwijô lotë
I wësok sã w obłoczi wzbił,
Kaszëbsczi lud ò sławie śnił
I burze przemógł, przetrwôł słotë;
Héj, Grifie, héj!
Ucësku przeszła céń
I nastôł dzéń !
Karpatë chmuramy òkrëté
Rozbudzô czãzczi bitwë grzmot
I Òrzeł Pòlsczi wszczął swój lot
Dobëtny, chyży, krwią omëty;
Héj, Grifie, héj!
Naprocem jemu lec
I bractwo wzniec!
Pòmòrsczi Grif i Òrzel Biôły
Potãżnie płëna ponad las
I nowy w dzejach jidze czas
Swobodë, szczescô, tczë i chwôłë;
Héj, Grifie, héj!
I Isni sã kwietny rôj,
Pòmòrsczi mój!
Leòn Heyke (1885-1939)