Firefox ë fùsbala
Òpùblikòwóné w: Bitë ë bajtë,Nowinë — Tadżi: Firefox, fùsbala — Mark Kwidzińsczi @ 5:58 pp 16 czer. 2006 Dopòwiesców (7)
Wtëkôcz w akcëji
Lubòtnicë Mésterstwów Swiata w Fùsbale ë Firefoxa mògą w tim przezérnikù zainstalowac baro prakticzny wtëkôcz z Joga.com. Dzãka niemù jmòże ùzdrzec nié le blós same rezultatë meczów, ale téż całi jich przebieg (czë chto dostôł żółtã kartkã, chto strzelëł gòla ëtp) razã z tématicznëma wideòklipama ë diskùsjowima karnama. Je mòżno téż przëòbléc tak przezérnik bë dostôł farwë kraju za jaczim jesma, czë jaczi sã nama zwëczajno widzą – automatno ùstôwiają sã farwë domëslnegò jãzëka Firefoxa.
Baro przëdatny wtëkôcz dlô wszëtczëch kibòlów – a wiãc téz dlô mie 
. Mòże ë piszã ò tim tidzéń za pózdno, le przez tã fùsbalã to mòm terô mało czasu na pisanié 
. Jak to wëzdrzi w ptaktice, mòżeta òbôczëc z bòkù.
Adresa zladënkù: http://www.mozilla.com/add-ons/jogacompanion/
Fejn wticzka, leno mój mùlk gôdô, że tegò fùsbala je ju za wiele w TV, a terô to dô gò jesz w przezérnikù
Dopòwiesc przez michol — czer. 17, 2006 @ 10:24 dp
Jo, le to sã zarô skùńczi – jesz blós trzë tidzénie ë bãdze pò MS.
– z chłopama to ju tak je.
Ta twòja brutka mùszi sã do tegò przenãcëc
Dopòwiesc przez Mark — czer. 17, 2006 @ 6:06 pp
Në jo, to sã tak letkò gôdô… òna tak nie rozmie i nick z tim nie mògã zrobic
Bëlno dlô ni je, że jô nie òbzeróm wszëtczich meczow, leno blós te co są dlô mie zajimne, co tikô sã meczów pòlsczich (doch nie je ich wiele 
) japòńsczich, kòrejańsczich ë jô téż widzôł mecze Ganë chtërnã të lëdôsz 
Òkróm tegò jô òbzeróm co sã najdze, leno nie wiedno jô mògã zdrzec w TV (robòta mie ògraniczô 
Tak pò prôwdze, to blós dzysô jô nie widzôł meczów (nawetka Ganë) bò zrobił jem grila ë miôł wszëtkò w rzëc~m (bò tak jem wkur… na karno z mòjégò kraju). Jô cã rzeknã, że mësterstwò swiata to choba wëzwëskô we mie nôgòrszi wseczëca (terô jô nôbarżi nie lëdôm ekwadorsczich fùsbalistów 
) Në jo, a tak pò prôwdze a bez pòdsmiéwków, to nót dac òd se përznã pòjudżi, doch rasëznô je wiele (wiele, wiele, wiele) barżi lëchô òd przegraniô (jô cã to rzeknã nie-rasistowsczi-a-kaszëbsczi-streetpunk 
Niech le dobãdzë lepszi! Oi! 
Dopòwiesc przez michol — czer. 17, 2006 @ 9:07 pp
Ech, mòjô fela… To bëłô òdpowiesc na wczasniészą dopòwiesc… Mie choba dzysô nick nie jidze tak jakno jô bë chcôł. Wejle, Ghana wëgra z Czechama (hmmm… chto mëszlôł, że mdze jinaczi???) a blós to bëło tak jak jô mëszlôł
Dopòwiesc przez michol — czer. 17, 2006 @ 9:14 pp
Jo, fejn że téż kraje, jaczich nie je stac na sztab pòmôdżérów jak n.p. je w westrzódno ë zôpôdnoeùropejsczich fùsbòlowëch karnach (czë to Anielczicë, Miemcë ë całô reszta “bògatëch” krajów), są w sztãdze dobrze zagrac ë wëgrac. Te kraje tak pò prôwdze mają małe szanse na to bë dalek zańc, nie są w sztãdze zainwestowac tëli detków dlô regeneracëji fùsbbòlowegò karna jak Eùropejczicë, czë nawetka Brazilëjô czë Argentina co są òbarchniałi na pùnkce fùsbalë. Dlôte króm Pòlsczi (żle ta grô) jem w MS téż za afrikańsczima krajama.
Dopòwiesc przez Mark — czer. 18, 2006 @ 5:12 pp
Në ë Ghana je dali, blós nie le òna, bò téż Australëjô, co mie (pò tim jak jô widzôł zapiarcë w jich grze ë chãcë wëgraniô) sã baro widzi.
Dopòwiesc przez Mark — czer. 22, 2006 @ 10:59 pp
[...] czëtińcë pamiãtają mòże jesz, że 4 lata nazôd ma mielë pisóné na starnie kaszubia.com ò rozszérzeniu dlô Firefoxa, dzãka chtërnemù szło w nórcëkù przezérnika dozérac [...]
Sygnale Pingback przez Kaszëbsczi Linux ë Ôpen Ùdbë : linuxcsb.org » Archiwa » Footiefox – z lëżnoscë Mésterstwa Swiata — czer. 12, 2010 @ 7:39 pp